• cs
• en
• es
• fr
• de
• el
• it
• pt
• ro
• ru
• si
• tl
• ta

Tingnan ang mundo gamit ang ibang salamin! Paano maunawaan ang maling pag-unawa sa kultura.

1. Si Anna, isang guro sa preschool sa isang malaking bayan sa Italya, ay natutuwa sa bagay na may iba't ibang background ng kultura sa kaniyang paaralan. 

Anna: Gustung-gusto ko ang klase ko!

Pero minsan, hindi niya alam kung ano ang iisipin at paano pangangasiwaan ang ilang pagkilos at asal… .

2. Si Aminah, isang Nigerian na nanay, ay karaniwang dinadala ang anak niya, si Latifah, nang masyado nang late sa umaga.

Anna: Napaka-late!

Kausap ang mga kasamahan niya, sabi ni Anna na mabuting ina si Aminah pero hindi niya sapat na nirerespeto ang mga pangangailangan ng kanyang mga anak at ng schedule ng eskuwelahan, lalo na ang circle-time sa umaga.

Anna: May pakialam ba siya?

3. Pero subukan nating makita ang mga bagay mula sa kabilang panig!  

Hindi pa kailanman nagkaroon si Aminah ng karanasan sa pre-school. Lumaki siya sa isang probinsya kung saan ang mga maliliit na bata ay nanatili sa bahay o naglalarong magkakasama sa kalye; walang mahigpit na schedule, walang circle-time!

4. Noong hiniling sa kanya ni Anna na magbigay ng higit pang atensiyon sa oras ng pagpasok sa circle-time, hindi naunawaan ni Aminah pero rin hindi siya nagtangkang magtanong. Sa bansa niya, itinuturing na kawalang-galang ang pagtatanong sa guro.

Anna: Subukang dumating sa tamang oras

Aminah (nag-iisip): Hinusgahan ba niya ako sa masamang paraan?

5. Nasurpresa si Anna noong si Eliane, isang Brasilian na ina ng dalawang 5 taong gulang na kambal, ay nagtanong kung nagsisimula nang matuto ang mga batang magbasa at magsulat nang kaunti sa eskuwelahan.

Eliane: Kailan kayo nagtuturo ng pagbabasa at pagsusulat?

Para kay Anna hindi angkop ang tanong: iyon ay mga aktibidad sa elementarya. 

Anna: Hindi ito elementarya!

6. Pero subukan nating makita ang mga bagay mula sa kabilang panig!  

Noong bata pa siya sa Brasil, nag-enjoy si Eliane sa pag-aaral ng kaunting pagsusulat at pagbabasa sa pre-school, at ipinagmamalaki siya ng kanyang ina.

Nanay ni Eliane: Wow! Eksaktong-eksakto!

7. Nag-aalala din si Eliane na ang mga anak niya ay hindi matututo ng Italyano nang kasing-bilis ng mga Italyanong bata, at hindi niya sila matutulungan.

Italyanong ina sa anak niya: Ulitin ang leksiyon kasabay ko!

Eliane (nag-iisip): Paano ko matutulungan ang mga anak ko kung hindi ako magaling sa wikang Italyano?

8. Gusto nina Anna, Aminah at Eliane na gawin ang pinakamabuti para sa mga bata, pero minsan ay hindi nila nauunawaan ang isa't isa.

Ang pagkilos at asal ng mga taong ito hindi alam ang mga magkakaiba nilang kulturang pinagmulan at kinalakihan at karanasan sa buhay ay maaaring magdulot ng mga maling pagkakaunawaan.

9. Ang kultura ay parang isang iceberg.

Sa ibabaw, makikita ng isa kung ano ang ginagawa ng mga tao, kinakain, isinusuot, ginagawa.

Ang nasa ilalim ay lumalarawan sa kung bakit ginagawa ng mga tao ang ginagawa nila: mga bagay na pinahahalagahan nila, paniniwala, saloobin...

Maaari ring makita ang kultura bilang salaming magagamit natin para makita ang mundo....

Kapag may nakilala kang taong may magkakaibang ‘pangkulturang salamin’ maaaring mapag-alaman mo na may suot ka ring isang pares nito!

10. Maaaring sa tingin ni Anna ay hindi nakikita at naiisip nina Aminah at Eliane ang parehong bagay tulad niya, at totoo ito! 

Anna: Maaari kong subukang sabihin sa iyo kung ano ang circle-time

Aminah: Salamat! Wala akong lakas ng loob magtanong!

11. Kung naglaan si Anna ng oras para maunawaan, subukang hayagang ipahiwatig ang naiisip niya at hilingin sa kanilang gawin rin ito, matutuklasan nila ang pananaw ng bawat isa at magsisimulang mag-usap.

Anna: Ngayon ay nakikita ko kung bakit may ilang pag-aalala ka tungkol sa wika, mas pagtutuunan ko ito ng pansin!

Lahat tayo ay matututo mula sa isa't isa at matutuklasan na ang ilang pangkulturang salamin ay makakapagdagdag ng bagong kaaya-ayang kulay sa atin!

12. Totoo rin ito para sa mga bata.

Maaari nilang ibahagi sa iba ang iba't ibang bagay na natututunan nila mula sa kanilang mga magulang, at gayundin ang mga pangkaraniwang bagay, at sa pamamagitan nito ay mas flexible ang kanilang mga kaisipan habang lumalaki sila!

Sara: Sabi ng nanay ko, kapag kumakain ako, dapat kanang kamay lang ang gagamitin ko; 

Alice: Sabi ng nanay ko na palagi ako dapat gumamit ng tinidor at kutsilyo!

Boh: Chopsticks lang ang ginagamit ko!

Magkakasabay lahat: Ayaw ng mga nanay naming magsayang kami ng pagkain!”