• ar
• cs
• de
• el
• en
• es
• fa
• fr
• gu
• hi
• it
• ja
• nl
• pan
• pl
• pt
• ro
• ru
• si
• sq
• ta
• tl
• tr
• uk
• ur
• zh_cn

Si Yasmine, na mula sa Ehipto, ay kakarating lang sa Germany. Kailangan niya ngayong matuto ng German.

Tulad ng lahat ng mga batang nag-aaral ng pangalawang wika, dadaan si Yasmine sa 4 na pangunahing stage ng wika.

Ang unang stage ng wika ay ang “Paggamit ng Wika sa Tahanan”. Una, maaaring subukan ni Yasmine na magsalita ng Arabic kahit na hindi nakakapagsalita nito ang mga taong nakapaligid sa kanya.

Yasmine: Hi! (sa arabic)

Hindi nagtatagal ang stage na ito dahil agad ay napapansin niyang hindi siya naiintindihan ng mga ibang tao.

Ang pangalawang stage ng wika ay ang tahimik na panahon. Papasok si Yasmine sa tahimik na panahon at hindi nagsasalita dahil sinusubukan pa niyang maintindihan ang German. Sinusubukan niyang makipag-usap kay Andreas sa pagkumpas.

Andreas: Gusto mo ng tubig? (Sa German)

Ute: Gusto mong makipaglaro sa akin? (Sa German)

Maaaring gustong subukan ni Yasmine na mag-practice ng German nang mag-isa, pero hindi niya gagamitin ito para makipag-usap kay Andreas at sa ibang tao. Kahit na matagal nang panahong hindi nagsasalita si Yasmine, hindi tayo dapat mag-alala: kailangan niya ng panahon para matutunan ang bagong wika bago niya ito magamit.

Christian: Saang lugar ka galing? (Sa German)

Ang tahimik na panahon ay karaniwang nagtatagal ng 2 hanggang 6 na buwan.

Ang pangatlong stage ay tinatawag na telegraphic speech stage. Sa yugtong ito, gumagamit si Yasmine ng maiikling naihanda nang mga pangungusap, tulad ng “Maligayang kaarawan”.

Yasmine: Maligayang kaarawan! (Sa German)

Andreas: Salamat! (Sa German)

Ito ay mahalagang stage sa pag-aaral ng pangalawang wika dahil sa wakas ay makakaugnay na ni Yasmine si Andreas, mga iba niyang kaklase at mga guro.

Ang panghuling stage ay tinatawag na interlanguage. Nakakausap na ngayon si Yasmine sa German; marami pa rin siyang mali, pero, sa kalaunan, mawawala ang mga ito.

Yasmine: Ako marami pang tubig? (Sa German)

Tulad ng alam nating lahat, kailangan ng oras at pagsusumikap ang pag-aaral ng wika: inaabot ng 1 hanggang 3 taon ng pakikinig sa mga taong nagsasalita ng wikang iyon para mahusay na makipag-usap sa mga ibang tao

...at 5 hanggang 7 taon para maabot ang antas ng wika na magpapahintulot sa kanilang matutunan ang mahihirap na konsepto sa eskuwelahan.

Yasmine: Maglaro tayo! (Sa German)

Andreas: Magandang ideya (sa German)

Christian: Masaya 'yan! (Sa German)

Magtiyaga ka lang at huwag mag-alala; magaling ang mga batang matuto ng bagong wika!

Kahit na kapag naabot na ng mga bata ang stage na madali silang makakausap ng iba sa pangalawa nilang wika; patuloy silang bigyan ng suporta sa paglipas ng panahon para makamit nila ang mga kakayahan sa wikang kailangan nila para maaral lahat ng mga paksa.

Christian: Ang galing-galing mo. (Sa German)

Tatay ni Yasmine: Sige, ipagpatuloy mo, magaling 'yan! (sa Arabic)

Nanay ni Yasmine: Ipinagmamalaki ka namin! (sa Arabic)